| 4.1. СЫРДОНЫ РАЙГУЫРД | 4.1. РОЖДЕНИЕ СЫРДОНА |
| Нарты рӕсугъд Дзерассӕ рацӕйцыдис донмӕ. Доны хицау Гӕтӕг схудт Дзерассӕмӕ, йӕ цӕст ӕм ӕрныкъуылдта ӕмӕ йӕм дзуры: | Пошла поводу нартская красавица Дзерасса. И тут у самой воды увидел ее владыка рек – Гатаг. Улыбнулся он и подмигнул ей: |
| — Уӕ, мӕ хуры хай, урсцъар рӕсугъд Дзерассӕ, бауарз мӕ, кӕннод дын дон нӕ ратдзынӕн! | — О, мое солнышко, красавица Дзерасса, как бела твоя кожа! Полюби меня — или не дам тебе воды. |
| Фӕтарст Дзерассӕ Гӕтӕгӕй, аздӕхт ӕнӕ донӕй ӕмӕ бацыд сӕхимӕ. Дзерассӕ та дыккаг хатт ацыди донмӕ. Ӕнхъӕл уыдис, нал ыл сӕмбӕлдзӕнис Гӕтӕг, фӕлӕ йыл сӕмбӕлд. | Дзерасса испугалась и без воды вернулась домой.
Второй раз пошла к реке Дзерасса. Думала она, что наскучило Гатагу караулить ее. Но Гатаг снова поджидал ее у воды и на этот раз добился своего. |
| Дзерассӕйӕн гӕнӕн нал уыд, ӕмӕ ӕмуд ӕрцыд Гӕтӕгимӕ, ӕмӕ йын райгуырд лӕппу, номӕй та йӕ схуыдтой Гӕтӕджы фырт Сырдон. | Родился после этого сын у Дзерассы. Сырдоном, сыном Гатага, назвали его. |
| Сырдон райдыдта хъомыл кӕнын ӕмӕ зыдта ӕппӕт дӕр, цы уыди ӕмӕ цы уыдзӕн, уыдӕттӕ. | Сырдон начал расти. Он знал все: и что было, и что будет. |
| Нартимӕ нӕ фидыдта, цыди сыл сайдӕй, ӕмӕ йӕ сӕхуыдтӕг дӕр сайдтой, фӕлӕ-иу ӕм кӕд Нарт мӕсты дӕр сысты, уӕддӕр ӕй уарзгӕ дӕр бирӕ кодтой. | Не ладил Сырдон с нартами. Часто пытались они обмануть Сырдона, устраивали ему всякие козни, но и он тоже нартов не щадил. Но хотя нарты сердились на Сырдона, они любили его. |
| Сырдон уыдис зондджын ӕмӕ мадзалджын Нӕртон лӕг. | Был Сырдон умным и предприимчивым. |
| Нарты кадджытæ\\ Составители: В.Абаев, Н.Багаев, И.Джанаев, Б.Боциев, Т.Епхиев. Литературный редактор И.Джанаев. Владикавказ: «Алания». 1995. С.137. | Осетинские нартские сказания.\\ Составители: В.Абаев, Н.Багаев, И.Джанаев, Б.Боциев, Т.Епхиев. Перевод с осетинского Ю.Либединского. Москва-Владикавказ. 2001. С.189-190. |
